[ad_1]
पत्रकार सम्मेलनमा एन्जिला तुम्बोप्पे । तस्वीर : चन्द्रबहादुर आले/अनलाइनखबर
२५ चैत, काठमाडौं । नेपाली राष्ट्रिय टिमका कप्तान एवं गोलरक्षक एन्जिला तुम्बोप्पे खेलपछिको पत्रकार सम्मेलनमै रोएकी छन् ।
पेरिस ओलम्पिक २०२४ को छनाट मा शनिबार भएको दोस्रो खेलमा नेपाल २–० ले पराजित भएको थियो ।
त्रिपुरेश्वरस्थित दशरथ रंगशालामा भएको खेलमा नेपालले छैटौं र सातौं मिनेटमा गोल खाएको थियो । गोलरक्षक र डिफेण्डरबीच समन्वय नहुँदा नेपालले खानु नपर्ने गोल खाएको थियो ।
नेपालले दोस्रो हाफमा गोलकिपर परिवर्तन गरेपछि खेल समेत सुधारिएको थियो ।
खेलपछि आयोजित पत्रकार सम्मेलनमा गोलको प्रशंग आउनसाथ कप्तान समेत रहेकी गोलरक्षक एन्जिला भावुक भइन् । डिफेन्ससँग कम्बिनेसन नमिलेको भन्दै उनले भनिन, ‘यदि २ वटा गोल रोकेको भए शायद हामी ड्रमा पुग्ने रहेछौं …।’
दोस्रो हाफमा भएको रिप्लेसबारे सोधिएको प्रश्नमा भने उनले आफूलाई रोक्न सकिनन् । ‘गोल खाँदैनौं भन्ने थियो’ यति भन्नासाथ उनको आँखा रसायो ।
प्रशिक्षक अनन्त थापाले भने उनको बचाउ गरे । एन्जिनाले फुटबलमा हुने गोल नै खाएको र उनी फाइटर भएको अनन्तले बताए ।
[ad_2]
Source link
