[ad_1]
काठमाडौं । बलिउड अभिनेत्री परिणिती चोपडा र आमआदमी पार्टीका सांसद राघव चड्डाबीच आज दिल्लीमा इन्गेजमेन्ट हुँदैछ । इन्डिया गेट नजिकको कपुरथला हाउसमा बेलुका ६ बजे समारोह हुने भारतीय संचारमाध्यमले जनाएका छन् ।
शिख परम्पराअनुसार इन्गेजमेन्ट हुन लागेको हो । केही दिनदेखि नै यसका लागि भव्य तयारी भैरहेको थियो । बहिनी परिणितीको टीकाटालो समारोहमा सहभागि हुन प्रियंका चोपडा शुक्रबार बेलुका नै दिल्ली पुगेकी छन् ।
समारोहमा डेढसय पाहुनालाई निम्तो गरिएको छ । अभिनेत्री प्रियंका चोपडासहित दिल्लीका मुख्यमन्त्री अरविन्द केजरीवाल, पञ्जावका मुख्यमन्त्री भागवत मन समारोहमा उपस्थित हुने जनाइएको छ ।
इन्गेजमेन्टका लागि राघवले पवन सचदेवको डिजाइन लगाउनेछन् भने परिणितीले मनिष मलहोत्राको डिजाइन पहिरिने छन् । यी दुबैले लण्डन स्कुल अफ इकोनोमिक्समा सँगै अध्ययन गरेका थिए । केही समयदेखि नै यी दुईबीचको अफेयर हल्लाको चलिरहेको थियो भने आइपीएल लगायतका समारोहमा उनीहरु एकसाथ देखिएका थिए ।
[ad_2]
Source link
