[ad_1]
२० चैत, काठमाडौं । मिटरब्याज पीडितको एक समूहसँग सरकारले ५ बुँदे सहमति गरेको दुई दिनपछि देशभरबाट आएका करिब ४०० मिटरब्याज पीडितले उक्त सहमति अपुरो भन्दै फेरि आन्दोलन थालेका छन् ।
सोमबार काठमाडौं आइपुगेको यो समूहले दिनभर माइतीघरमा धर्ना दिएर साँझ शान्तिवाटिकामा बास बसेका छन् ।
उनीहरुले सरकार र मिटरब्याज पीडितको अघिल्लो समूहबीच भएको ५ बुँदे सहमति सकारात्मक तर अपुरो रहेको बताएका छन् । उनीहरुले मिटरब्याज पीडितविरुद्ध साहुकारले अदालतमा दिएका मुद्दा खारेज हुनुपर्ने माग राखेका छन् ।
मिटरब्याज पीडितहरु दिनभर माइतीघरमा धर्ना दिएर साँझ रत्नपार्क नजिकैको शान्तिवाटिकामा थकाइ मारेका छन् । करिब ४०० जनाका लागि खानपान र बसोबासको प्रबन्ध यहीँ भएको छ ।
मिटरब्याज पीडितहरु आफैंले खाना पकाएका छन् र त्यहाँका पाटी, सत्तल र सार्वजनिक भवनमा सुत्ने प्रबन्ध गरिएको छ । बास बस्नका लागि एउटा त्रिपाल पनि टाँगिएको छ । साँघुरो ठाउँ र बास बस्ने मानिस धेरै भएका कारण मिटरब्याज पीडितहरु कोचाकोच गरेर बसेका छन् ।
हेर्नुहोस् तस्वीरहरु
[ad_2]
Source link
