[ad_1]
२० फागुन, काठमाडौं। बीआइए फाउन्डेशनले अपाङ्गता भएका व्यक्तिहरुको सहभागीतामा ह्वीलचेयर म्याराथनको आयोजना गरेको छ ।
शनिबार काठमाडौंको भृकुटीमण्डपबाट सुरू भई टुँडिखेल, घण्टाघर, पुतलीसडक हुँदै पुन: भृकुटीमण्डपमा आई समाप्त भएको र उक्त म्याराथनमा करिब ३ सय जना सहभागी भएको बीआइए फाउन्डेसनका प्रवन्ध निर्देशक गोकर्ण ढुंगानाले जानकारी दिए।
उनका अनुसार यो चौथो ह्वीलचेयर म्याराथन हो र बीआईए फाउण्डेशनको जन्मदिन तथा अन्तर्राष्ट्रिय ह्वीलचेयर डे भएकाले नेपालमा पनि ह्वीलचेयर म्याराथनको आयोजना गरिएको हो ।
उक्त म्याराथनमा पुरूषतर्फ रमेश खत्री प्रथम, कामकाजी मिजार द्वितीय र विष्णु श्रेष्ठ तृतीय भए। यस्तै ऐश्वर्य कुमारी कुमाल प्रथम, यमी झाक्री मगर द्वितीय र रजनी राई तृतीय भइन् ।
उनीहरुलाई अस्ट्रेलियन राजदूत फेलिसिटी जेन भोल्कले पुरस्कार प्रदान गरेकी थिइन् ।
हेर्नुहोस् तस्वीरहरु :
[ad_2]
Source link
