गाउँगाउँमा झाँक्री नाचको रौनक

गाउँगाउँमा झाँक्री नाचको रौनक
Girl in a jacket

मुगु — यहाँका गाउँबस्तीमा झाँक्री नाचको रौनक सुरु भएको छ । जिल्लाका कार्कीबाडा, ढुम, तलितुम, पिना, टोप्लाझयारी, मुर्मालगायत गाउँमा जनै पूर्णिमादेखि एक सातासम्म झाँक्रीमेला लाग्‍ने गरेको छ ।

छायानाथरारा नगरपालिका–१२ थार्पमा पनि झाक्रीमेला सुरु भएको छ । आइतबार झाँक्रीसहित आएका तीर्थालुले सोमबार दिनभर मालिका तीर्थस्थलमा पूजापाठ गरे । थार्पको झाँक्रीनाच हेर्न र मष्टा देउतासँग ग्रहदशा हेराउन जुम्ला, हुम्ला र मुगुका बासिन्दाको घुँइचो लाग्छ ।

झाँक्री नाचले गाउँमा चहलपहल बढाएको थार्पका पुरिलाल सावतले बताए । उनका अनुसार मालिका लेकमा ३ दिनसम्म जनैपूर्णिमाको अवसरमा मेला लाग्ने गरेको छ ।

झयारीगाउँमा पनि महादेव र गुरा देवताका झाँक्री दिनभर नाचेका छन् । केही गाउँमा जनपूर्णिमाको दिन सुरु भएको झाँक्रीमेला कार्तिक पूर्णिमासम्म चल्ने गुरा देवताका झाँक्री भक्तबहादुर शाहीले बताए । एकदशीको दिन सदरमुकामबाट छायानाथ र ऋणीमोक्ष धाममा गएका झाँक्री र भक्तालु पनि सोमबार फर्किएको छायानाथ मन्दिरका पुजारी लक्ष्मीप्रसाद चौलागाईले बताए ।

 

Girl in a jacket