५ असोज, काठमाडौं । टाटा मोटर्सले नेपालमा विद्युतीय कर्मसियल गाडी नेपालमा भित्र्याएको छ । नेपालका लागि टाटा मोटर्सको आधिकारिक बिक्रेता सिप्रदी ट्रेडिङले व्यावसायिक प्रयोजनको नयाँ विद्युतीय गाडी बिहीबार सार्वजनिक गरेको हो ।
सिप्रदीले बिहीबार एक कार्यक्रमबीच टाटा एस–ईभी पिकअप भ्यान सार्वजनिक गरेको हो । योसँगै सिप्रदी व्यावसायिक ईभीमा समेत प्रवेश गरेको छ । अहिले कम्पनीले नेक्सन, टिगोर र टियागो बिक्री गरिरहेको छ ।
टाटा मोटर्सको कमर्सियल भेहिकल इन्टरनेसनल बिजनेस एन्ड स्ट्राटेजी प्रमुख अनुराग मेहरोत्रा र सिप्रदीका एक्जुकेटिभ चेयरम्यान सिद्धार्थ राणाले नयाँ ईभी सार्वजनिक गरे ।
सार्वजनिक भएको एस–ईभीको नेपाली बजारमा २९ लाख ५० हजार रुपैयाँ मूल्य तोकिएको छ । फेस्टिभ अफरमा २६ लाख ९९ हजार रुपैयाँ मूल्य कायम गरिएको कम्पनीले जनाएको छ ।
कार्यक्रममा अनुराग मेहरोत्राले टाटा र सिप्रदीबीचको सम्बन्ध ४ दशकदेखिको रहेको बताए । राणाले टाटा मोटर्सको कमर्सियल ईभी अन्तर्राष्ट्रिय बजारमा सार्वजनिक हुनेमा नेपाल पहिलो रहेको बताए ।
तस्वीरहरू : आर्यन धिमाल/अनलाइनखबर
