‘डिग्री माइला’को छायांकन शुक्रबार ओखलढुंगादेखि सुरु हुने

‘डिग्री माइला’को छायांकन शुक्रबार ओखलढुंगादेखि सुरु हुने


फिल्मको शुभसाइतको क्रममा शनिबार अभिनेता दयाहाङ राई र अभिनेत्री आँचल शर्मा ।

काठमाडौं । रामबाबु गुरुङको आगामी फिल्म ‘डिग्री माइला : एमए थर्ड क्लास’को छायांकन आगामी शुक्रबारदेखि सुरु हुँदैछ । निर्माताले शनिबार कास्ट एण्ड क्रिउलाई लिएर राजधानीको भाटभटेनी मन्दिरमा फिल्मको शुभसाइत गरे ।

मुहूर्त समारोहमा निर्देशक गुरुङसहित कलाकारहरु दयाहाङ राई, विजय बराल, माओत्से गुरुङ, आँचल शर्मा लगायत उपस्थित थिए । उक्त अवसरमा स्क्रिप्ट र क्यामेराको पूजा गरियो ।

फिल्मको छायांकन ओखलढुंगाको रुम्जाटारदेखि सुरु हुने जानकारी निर्देशक गुरुङले दिए । शुभसाइतसँगै निर्माताले फिल्मको आधिकारिक कथाको सारांश पनि सार्वजनिक गरेका छन् ।

राजनीति र समाजको उतारचढावको निराशाबीच डिग्री माइलाको जीवन यात्रालाई फिल्ममा चित्रण गरिएको छ । बाँसुरी प्रोडक्सनले निर्माण गर्ने यो फिल्मको प्रदर्शन आगामी बैशाख १ तय गरिएको छ ।



Source link

एक उत्तर छोड्न

कृपया आफ्नो टिप्पणी प्रविष्ट गर्नुहोस्!
कृपया आफ्नो नाम यहाँ प्रविष्ट गर्नुहोस्