दुई बुँदे सहमतिपछि सुजिता भण्डारीको शव अस्पतालमा – Online Khabar


२१ असार, चितवन । जिल्लाको राप्ती नगरपालिका–३ बाट सुजिता भण्डारीको शव भरतपुर अस्पतालमा लगिएको छ ।

प्रशासन र स्थानीयबीच दुई बुँदे सहमति भएसँगै शव लैजान गरिएको अवरोध हटेको हो । र, शवलाई अस्पताल पुर्‍याइएको चितवनका प्रमुख जिल्ला अधिकारी प्रेमलाल लामिछानेले अनलाइनखबरलाई बताए ।

उनका अनुसार घटनाको यथाशीघ्र सत्यतथ्य सार्वजनिक गर्ने र परिवारलाई आर्थिक सहायताका लागि सरकारसमक्ष अनुरोध गर्ने सहमति भएको छ ।

पीडित पक्षले २४ घण्टाभित्र दोषी पत्ता लगाएर कारबाही गर्ने लिखित प्रतिबद्धता नआएसम्म सुजिताको शव लैजान नदिने अडान राखेका थिए ।

तर पोष्टमार्टम नभएसम्म मृत्युको कारण नखुल्ने र अनुसन्धान प्रक्रिया अघि बढाउनै समस्या हुने भएपछि शव अस्पताल लैजान दिने सहमति भएको थियो ।





यो पनि पढ्नुहोस
सुजिता भण्डारीको हत्या कि आत्महत्या ? अपहरणबारे अन्योल

के भएको थियो ?

राप्ती नगरपालिका–३ की भण्डारी ९ दिन अघि घरबाट निस्किएकी थिइन् । अघिल्लो दिन साँझ उनले दिदीलाई साथीको घरमा जाने भनेकी थिइन् ।

खाना खाने वेलासम्म घर नफर्किएपछि उनले बहिनीलाई फोन गरिन् । तर सम्पर्क हुन सकेन । दिउँसो सवा १२ बजेतिर बहिनीको मोबाइलबाट आफूलाई ‘मिसकल’ आएको देखेपछि कविताले फोन गरिन् । सविताले रुँदै आफूलाई ‘दुई महिला र एक पुरुषले अपहरण गरेर गाडीमा राखेको’ बताइन् ।

पछि मोबाइल फेरि ‘स्वीच अफ’ भयो । त्यसपछि कविताले बुबाआमा, छिमेकी र प्रहरीलाई घटनाबारे जानकारी गराइन् । तर प्रहरीले अपहरणलाई पुष्टि गर्ने आधार भेटेको थिएन । फिरौतीका लागि फोन पनि आएको थिएन ।

आतइबार दिउँसो ब्रम्हस्थानी सामुदायिक वनको भिरालो भाग उनको शव भेटिएको थियो । नजिकै धानमा हाल्ने पतेराको विषादी प्रहरीले बरामद गरेको छ ।





यो पनि पढ्नुहोस
सुजिताको शव नजिक भेटियो विषादीको बट्टा र झोला

निम्न वर्गीय परिवार

भण्डारीको परिवार निम्न मध्यम वर्गीय हो । सुजिता हराएको दिन पनि उनका बुबाआमा बिहानै खेतमा गएका थिए ।

बिबीएस चौथो बर्षको परीक्षा दिएर बसेकी सुजिता गाउँतिर अरुसँग खासै धेरै नबोल्ने स्वभावकी रहेको स्थानीय निर्देशन त्रिपाठी बताउँछन् ।

‘हाम्रो खेत र उनको घर एकैठाउँमा छ, खासै धेरै नबोल्ने उनी सोझी थिइन्’ त्रिपाठीले भने, ‘उनलाई कसैले किन अपहरण ग¥यो र किन हत्या गर्‍यो भन्ने केही भेउ पाउन सकेको छैन ।’

सुजिताकी दिदी कविताले पनि सधैँ एकैठाउँमा हुँदा समेत बहिनीको कुनै केटासँग सम्बन्ध रहेको जानकारी नभएको बताइन् ।

भण्डारी परिवारमा चार छोरी र एक छोरा छन् । जेठी र महिली दिदीको विवाह भैसकेको छ ।

 



Source link

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0