अस्ट्रेलियाबाट नेपालमा निःशुल्क पैसा पठाउन सकिने


काठमाडाैं । सिटी एक्सप्रेस मनी ट्रान्सफर अष्ट्रेलियाले नेपालमा पुनः देखिएको कोभिड १९ का कारण अष्ट्रेलियाबाट नेपालमा रहेका आफ्ना परिवारलाई अत्यावश्यक रकम पठाउँदा कुनै शुल्क नलाग्ने तथा पठाइएको रकम ३० मिनेटभित्र तुरुन्तै पुर्‍याउने योजना ल्याएको छ ।

सिटी एक्सप्रेस मनी ट्रान्सफरका ग्राहकवर्गले रकम पठाउँदा नेपालभरी रहेका जुनसुकै बैंकको खातामा रकम जम्मा गर्न सकिन्छ । रकम पठाउनका लागि सिटी एक्सप्रेस मनी ट्रान्सफर अष्ट्रेलियाको एप डाउनलोड गरी अथवा सिटी एक्सप्रेस मनी ट्रान्सफर अष्ट्रेलियाको वेबसाइटबाट पठाउन सकिन्छ ।

कोभिड-१९ का कारण यस विषम् परिस्थितिमा सिटी एक्सप्रेस मनी ट्रान्सफरका ग्राहकहरुलाई केही अत्यावश्यक सुविधा दिने सोचले यो योजना ल्याएको सिटी एक्सप्रेस मनी ट्रान्सफर अष्ट्रेलियाका डाइरेक्टर समिप कटुवालले जनाएका छन् ।

हाल अष्ट्रेलियामा सिटी एक्सप्रेस मनी ट्रान्सफर सबैभन्दा छिटो बढ्दै गरेको नेपाली रेमिट्यान्स ब्राण्ड बन्दै गएको छ ।

सिटी एक्सप्रेसले नेपालभर छरिएर रहेका आफ्ना १२ हजारभन्दा बढी भुक्तानी केन्द्रमार्फत छिटो, सहज र सुरक्षित तरिकाले भुक्तानी प्रदान गर्ने, कुनै पनि बैंकको खातामा रकम जम्मा गर्ने र मोबाईल वालेटमा लोड गर्न सकिने जस्ता सुविधाहरु प्रदान गर्दै आइरहेको छ ।





Source link

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0