बेलायतको सडकमा अब ड्राइभरबिनाको कार कुद्ने


काठमाडौं । अहिले विश्वव्यापीरुपमै सेल्फ ड्राइभिङ कारको चर्चा चलिरहेको छ । ठूला ठूला गाडी निर्माता कम्पनी सेल्फ ड्राइभिङ कारकाे निमार्णमा जुटेका छन् । केहि कम्पनीले बजारमा आफ्नो उत्पादन सार्वजनिक गरिसकेका छन् ।

कतिपय देशले यस्ता गाडी चलाउने अनुमति समेत प्रदान गरिसकेका छन् । यही क्रममा अब बेलायतले पनि सेल्फ ड्राइभिङ कार गुडाउने अनुमति दिने तयारी गरेको छ । त्यहाँकाे सरकारले सन् २०२१ को अन्त्यसम्म सेल्फ ड्राइभिङ कारलाई सडकमा कुद्ने अनुमति दिने भएकाे छ ।

बेलायतको यातायात विभागले अटोमेटेड गाडीका लागि अटोमेटेड लेन किपिङ सिस्टम (एएलकेएस) नीति ल्याउने भएको हो । विभागका अनुसार यसरी अनुमति प्रदान गर्दा उक्त गाडीको लागि छुट्टै लेन प्रदान गरिने छ ।

प्रविधिको माध्यममार्फत गाडीको गति सीमित गरिने समेत जनाइएको छ । विभागका अनुसार पहिलो चरणमा बढीमा ६० किलोमीटर प्रति घण्टाको गतीमात्रै गाडी कुद्न मिल्ने बनाइने छ ।

-एजेन्सी





Source link

यो खबर पढेर तपाईलाई कस्तो महसुस भयो ?
+1
0
+1
0
+1
0
+1
0
+1
0
+1
0
+1
0